Na VENANCE JOHN
Mfanyabiashara Elon Musk ametangaza kuwa Shirika la Misaada la Marekani (USAID) linafaa kufa huku kukiwa na ripoti kwamba maafisa wawili wakuu USAID wapewa likizo ya lazima baada ya kukataa kutoa vitu vya siri.
Musk, ambaye aliteuliwa na Rais wa Marekani Donald Trump kuongoza Idara ya Ufanisi Serikalini (DOGE), ili kupunguza gharama serikalini leo ameiita USAID kama shirika la uhalifu baada ya maafisa wa USAID kuripotiwa kuwanyima maafisa wa DOGE ruhusa ya kuingia maeneo ya taarifa za siri makao makuu Washington, DC.
Kulingana runinga ya CNN, wawakilishi kutoka DOGE, ambayo iliundwa kwa agizo la Trump lakini sio idara ya serikali, hatimaye waliweza kufikia maeneo yenye taarifa za siri baada ya kuwapo mzozo huo. "Muda wa shirika kufa," Musk ameandika kwenye mtandao wake wa kijamii wa X.
Mkurugenzi wa usalama wa USAID, John Voorhees, na naibu wake, Brian McGill, wamepewa likizo baada ya kuwanyima wafanyakazi wa DOGE kuingia katika maeneo yenye taarifa za usalama kwani hawakuwa na kibali cha usalama. Tukio hilo limeongeza wasiwasi kwamba Trump, ambaye amesimamisha karibu misaada yote ya kigeni, anapanga kupunguza kwa kiasi kikubwa, au hata kuisambaratisha moja kwa moja, USAID.
Siku ya Jumamosi, tovuti ya USAID ilitoka nje ya mtandao huku ukurasa wa barebones wa shirika hilo ukionekana kwenye tovuti ya Idara ya Jimbo, na hivyo kuzua uvumi kuwa USAID ingeingizwa katika wakala wa serikali wenye jukumu la kusimamia sera za kigeni.
Comments