Na VENANCE JOHN
Wauguzi wawili nchini Australia wamesimamishwa kazi baada ya video kuwaonesha wakitishia kuwaua wagonjwa wa Israeli na kujisifu kwa kukataa kuwatibu. Mwanamume na mwanamke wote wafanyakazi katika hospitali ya Sydney, sasa wanachunguzwa na polisi.
Waziri wa Afya wa Jimbo Ryan Park amesema kwamba uchunguzi wa kina utafanywa ili kuhakikisha kuwa hakukuwa na matokeo mabaya ya mgonjwa. Waziri Mkuu wa Australia Anthony Albanese amelaani video hiyo akisema ni ya kuudhi na ya aibu baada ya kuanza kusambazwa mtandaoni.
Tukio hili linatokea chini ya wiki moja tu baada ya Australia kupitisha sheria kali dhidi ya uhalifu wa chuki kufuatia wimbi la mashambulio ya juu ya chuki dhidi ya Wayahudi. Waziri wa afya amesema wauguzi wote wawili wamesimamishwa mara moja, na kuahidi kwamba hawatawahi kufanya kazi katika mfumo wa afya wa jimbo la New South Wales (NSW) tena.
Comentários